أرض خرالمبو

شفاف ومش متشاف شفاف.. أنا مش موجود ومش متشاف ماشي مع حالي.. وفي حالي،   وسارح بخيالي، في ملكوت ليه العجب. لقيت الحب في عيون، ماتعرفش كلام البشر.. عصافير وببغاوات، ولكن مش أغاوات! ولقيت الغدر في لِسْنة، بتنطق بكل اللغات.. إلا لغة الصدق والحب، وكل ما يعني إنك تبقى بني آدم. لقيت قلوب بتغل، وقلوب تانية بتفل، وقلوب يابا بتكره حتى نفسها، وبدون داعي! الحمد لله.. إني أنا شفاف، ومش متشاف. سايب لكم المسرح.. يا بهوات، سايب لكم النم، والحوارات، ودوشة الحكايات. لا بشيل في قلبي عشم، ولا بحسب المسافات. قافل بيبان الوجع.ما دام قلوب البشر، بتتغير حسب الأحوال. عايشها ويا الطير، من غير لا زيف ولا غل. خفيف خفيف عالأرض، يارب نمشي منها بخير يا محلى راحة البال، وأنا شفاف.. ومش متشاف.